Umugenzi yatawe muri yombi ku kibuga cy’indege cya Heathrow mu murwa mukuru London w’Ubwongereza, nyuma y’uko umugore afashwe ku ngufu mu gice cyo mu ndege cy’ibyicaro bihenze (business class) mu rugendo rwa ninjoro rwambukiranyije inyanja ya Atlantique ruturutse muri leta ya New Jersey muri Amerika.
Uwo mugore yavuze ko yafashwe ku ngufu n’umugabo w’imyaka 40 ubwo abandi bagenzi bari basinziriye, muri iyo ndege yari ivuye mu mujyi wa Newark ku itariki ya 31 z’ukwezi kwa mbere uyu mwaka.
Abapolisi binjiye muri iyo ndege ya kompanyi United Airlines, nyuma yuko iguye ku kibuga saa kumi n’ebyiri n’iminota 39 za mu gitondo (06:39) ku isaha mpuzamahanga ya GMT, hari saa mbili na 39 za mu gitondo (08:39) mu Rwanda no mu Burundi.
Bahise bata muri yombi uwo mugabo, ubu warekuwe ariko akaba agikorwaho iperereza.
Polisi y’Ubwongereza yavuze ko uwo mugore arimo guhabwa ubufasha n’abapolisi bihariye.
Source: BBC
